(secilit që u preokupua me gjithçka tjetër përveç familjes ja dhe shansin e fundit që ta përmirësojë situatën! sh.p.)

Babai:

– është rrënja prej ku ti u paraqite,

– kënaqja e tij është rehati,

– dhuratat nga ai janë qetësi,

– shërbimi ndaj tij është lumturi,

– keqbërja ndaj tij është dëshpërim,

– është një derë prej dyerve që kënaqin Zotin,

– t’i rrish gatitu është kënaqësi dhe zgjerim i gjoksit.

Nëna:

– dhurata më fisnike hyjnore për atë që është i devotshëm,

– nëse gërryen ndër thembrën e saj do të gjesh xhenetin e përhershëm,

– lutjet e saja për ty janë thesar i pashtershëm,

– kënaqësia e saj ndaj teje është lumturi që nuk vjetërohet,

– gjumi te këmbët e saja është rehati shpirtërore,

– shërbimi për te është kurorë mbi kokë,

– ajo është mirësia dhe dhuntia më e madhe,

– sepse edhe ajo është një nga dyert e xhenetit.

Burri:

– ai është shtylla mbrojtëse e shtëpisë,

– është shigjeta që gjuan nga harku,

– është pema e madhe e afërsisë,

– është lumi i dashurisë,

– prania e tij është lumturi,

– mungesa e tij është dëshpërim,

– prej tij fitohet qetësia dhe mburrja,

– nderi arrihet me njerëzit dhe familjen e tij,

– shtëpia është e ndërtuar kur ai vjen,

– shtëpia rrënohet kur ai shkon.

Gruaja:

– është banesë që të strehon,

– është lumturi që të rrethon,

– është pëlhurë që të mbulon,

– është gjeth që të përqafon,

– është parfum që të aromatizon,

– kur e shikon ta heq lodhjen,

– kur të afrohet të sjellë ngazëllimin.

– ajo thotë: kjo është jotja para se të jetë imja,

– ajo është ti dhe ti je ajo, dy shpirtëra që u mishëruan në një trup.

Djali:

– pamja jote që mund ta shohësh përpara,

– gëzim derisa është fëmijë,

– mburrje kur të rritet,

– shtyllë e fortë kur përkulet,

– armatim kur të godet vështirësia.

Vajza:

– është mbrojtja jote nga Zjarri nëse mirë e edukove,

– të tërheq me butësinë e saj,

– fëmija që më së shumti solidarizohet me ty,

– fëmija që më së forti të bën për vete,

– fëmija që më së shumti ndien dhimbjet tua.

Vëllai:

– është hija ku ti pushon,

– armiku yt i ka frikë,

– është njeriu më i afërt nga të gjithë shokët,

– shoqëruesi yt gjatë fëmijërisë,

– krahu yt gjatë burrërisë.

Motra:

– është gjysma jote,

– lutja e saj është balsam për ty,

– mbajtja e lidhjeve me te është fitore,

– ti je krenaria e saj te burri i saj,

– ti je mbështetja e saj kur është në nevojë.

 

nga arabishtja: Omer Berisha